Fel y cynghorau bro a thref eraill yng Nghymru, y mae gan Gyngor Tref Aberaeron pwerau arbennig caiff eu rhestru isod yn nhrefn yr wyddor.

• Rhandiroedd - darparu a chynnal a chadw rhandiroedd ar ddibenion eu hamaethu.
• Celfyddydau - datblygu a gwella gwybodaeth am y celfyddydau a’r crefftau sy’n gwasanaethu’r celfyddydau.
• Baddonau - darparu baddonau a golchdai (gan gynnwys golchfeydd).
• Claddfeydd - darparu a chynnal a chadw claddfeydd, mynwentydd, amlosgfeydd, marwdai ac ystafelloedd post-mortem.
• Clociau - darparu a chynnal a chadw clociau cyhoeddus. 
• Tir Comin - pwer i ddiogelu unrhyw dir comin wedi’i gofrestru’n derfynol nad oedd ganddo unrhyw berchennog cofrestredig.
• Atal Troseddu - gosod offer a sefydlu cynlluniau i ddarganfod troseddau neu i atal troseddu (ee camerâu CCTV; Cynlluniau Gwarchod y Gymdogaeth); rhoi grantiau i awdurdod yr heddlu at y dibenion hyn.
• Adloniant - darparu unrhyw fath o adloniant cyhoeddus ac unrhyw adeilad at ddibenion darparu adloniant (mae hyn yn cynnwys cynnal bandiau neu gerddorfeydd a darparu ar gyfer dawnsio).
• Neuaddau Darparu adeiladau ar gyfer cyfarfodydd a digwyddiadau cyhoeddus, ar gyfer chwaraeon neu ymarfer corf cyhoeddus dan do, neu i’w defnyddio gan glybiau a chymdeithasau sydd ag amcanion adloniadol, cymdeithasol neu athletaidd.
• Achosion Cyfreithiol - pwer i ddwyn unrhyw achosion cyfreithiol a’u hamddiffyn er budd y trigolion. Pwer i gymryd rhan mewn unrhyw ymchwiliad lleol cyhoeddus.
• Goleuadau - darparu a chynnal a chadw unrhyw oleuadau troedffordd sy’n goleuo ffyrdd neu balmentydd ar yr amod nad yw’r colofnau uwchlaw uchderau a nodwyd.
• Ysbwriel - darparu biniau ysbwriel mewn strydoedd a chefnogi ymgyrchoedd gwrth-ysbwriel.
• Mannau Agored - darparu a chynnal a chadw mannau agored cyhoeddus, parciau difyrrwch a rhodfeydd cyhoeddus.
• Parcio - darparu a rheoli meysydd parcio ceir a beiciau.
• Parciau - darparu a chynnal a chadw parciau cyhoeddus a chyfleusterau priodol.
• Cynllunio - yr hawl i gael eu hysbysu o unrhyw gais cynllunio sy’n effeithio ar ardal y cyngor cymuned a thref ac i wneud sylwadau y mae’n rhaid i’r awdurdod cynllunio eu cymryd i ystyriaeth.
• Meysydd Chwarae - darparu a chynnal a chadw tir ar gyfer unrhyw fath o weithgarwch hamdden awyr agored, gan gynnwys pyllau cychod.
• Llynnoedd - pwer i ddelio â llynnoedd, pyllau neu fannau eraill sy’n gynnwys budreddi neu sylwedd sy’n niweidiol i’r iechyd.
• Post a Ffôn - pwer i warantu’r awdurdodau post neu ffôn rhag colled ar unrhyw gyfleuster.
• Toiledau - darparu a chynnal a chadw toiledau cyhoeddus cyhoeddus.
• Hawliau Tramwy - cynnal a chadw llwybrau cyhoeddus a llwybrau ceffylau.
• Lleiniau Ymyl - pwer i blannu a chynnal a chadw lleiniau ymyl ffordd.
• Seddau - darparu a chynnal a chadw seddau cyhoeddus ar y briffordd.
• Cysgodfeydd - darparu a chynnal a chadw cysgodfeydd i’w defnyddio gan y cyhoedd ac yn arbennig ar gyfer teithwyr bysiau.
• Arwyddion - pwer i godi arwyddion sy’n rhybuddio’r cyhoedd o beryglon neu sy’n cyhoeddi enw lle, neu sy’n nodi arhosfan bysiau.
• Nofio - darparu pyllau nofio dan do neu awyr agored.
• Twristiaeth- darparu cyfleusterau ar gyfer cynadleddau a hybu twristiaeth at ddibenion hamdden neu fusnes.
• Tawelu Traffig - cyfrannu tuag at gost gwaith tawelu traffig a ddarperir gan awdurdodau priffyrdd. 
• Trafnidiaeth - sefydlu cynlluniau rhannu ceir a theithio rhatach mewn tacsis; rhoi grantiau ar gyfer gwasanaethau bysiau cymunedol a gwasanaethau bysiau i’r henoed neu’r anabl; ymchwilio i ddarpariaeth ac anghenion trafnidiaeth gyhoeddus, ffyrdd a thraffig; darparu gwybodaeth am wasanaethau trafnidiaeth gyhoeddus.
• Maes y Pentref - pwerau i gynnal a chadw maes y pentref neu’r dref.