Ffurfiwyd Cyngor Tref Aberaeron yn ystod ad-drefnu llywodraeth leol ym 1974 ac y mae yn un o’r 735 cyngor tref a chymuned yng Nghymru. Y mae’r Cyngor Tref yn cynrychioli’r lefel mwyaf lleol o weinyddu lleol yn yr ardal hon.

Y mae’r Cyngor yn cynnwys 12 Cynghorydd sy’n cynrychioli cymuned Aberaeron. Fe etholir Maer a Dirprwy Faer y Dref bob blwyddyn yn y Cyfarfod Blynyddol ym mis Mai.

Y mae gan Maer y Dref dwy rôl, sef cadeirio cyfarfodydd y Cyngor Tref ac i ymgymryd â dyletswyddau sifig a gweithredu fel llysgennad ar ran y dref.

Fe’u cynorthwyir gan Glerc Cyngor y Dref, sef Mr Denfer Morgan.

 

CONTRACT GLANHAU STRYDOEDD YN ABERAERON 2026-2027

Gwahoddir dyfynbrisiau gan y rheini sydd ag yswiriant atebolrwydd cyhoeddus, ar gyfer cynnig gwasanaeth i lanhau strydoedd yn Aberaeron. Fe fydd y contract yn para o’r 1af o Fai 2026 hyd at 31ain Mawrth 2027.

Cysylltwch gyda'r Clerc am fanylion pellach a ffurflen gais drwy ffonio 0774 9320915 neu ebostio ctaberaeron@btinternet.com